Qubada ər-arvad arasında dava olub.
Shimal.News-un əldə etdiyi məlumata görə, hadisənin istintaqı Quba Rayon Məhkəməsində keçirilib.
Belə ki, təqsirləndirilən Murad Quliyev (ad şərtidir) həyat yoldaşı Reyhan Quliyeva ilə (ad şərtidir) Quba rayonunda yaşayır. Hadisə günü (2024-cü il noyabrın 25-i) cütlüyün arasında mübahisə yaranıb. Bu zaman Murad arvadının üzünə yumruq zərbələri endirməyə başlayıb. Mübahisəyə səbəb isə Reyhanın əri zəng edən vaxt telefona cavab verməməyi olub.
Murad Quliyev Azərbaycan Respublikası CM-nin 128-ci (qəsdən sağlamlığa ağır zərbə vurma) maddəsi ilə təqsirləndirilib.
Təqsirləndirilən Murad Quliyev ona elan olunmuş ittiham üzrə özünü təqsirli bilərək ifadəsində göstərib:
“Reyhanla aramızda mübahisə telefona baxmadığı üçün olub. Zəng edirəm, vaxtında cavab vermir. Aramızda yaranan mübahisə 3-5 dəqiqə davam etdi. Əməlimdən peşmanam”.
Məhkəmə iclasında zərərçəkmiş Reyhan Quliyeva ifadəsində bildirib ki, hadisə günü Murad evə sərxoş gəlib:
“Evə gələndən sonra birlikdə çay içdik. Bu zaman Murad mübahisə edib, nalayiq sözlər işlətməyə başladı. Mübahisə daha da böyüdü və mənə yumruqla xəsarətlər yetirdi. Ondan şikayətçiyəm”.
Tərəflərin ifadəsindən sonra məhkəmənin qərarı ilə Murad Quliyev 6 ay müddətinə azadlıqdan məhrum edilib.
Fidan İlqar
