Quba şəhərinin mərkəzində, Heydər Əliyev prospektində yerləşən Dədə Qorqud abidəsinin təmiri yarımçıq qalıb.
Bu barədə Shimal.News-a yerli sakinlər məlumat veriblər. Onların sözlərinə görə, bir neçə ay öncə rayon rəhbərliyinin göstərişi ilə abidənin təmirinə başlanılıb. Elə bu məqsədlə ətrafda söküntü işləri aparılıb. Lakin naməlum səbəbdən söküntüdən sonra iş dayanıb.
Nəticədə aylardır şəhərin mərkəzində xoşagəlməz mənzərə yaranıb. Sakinləri isə bu sual düşündürur: əgər təmir yarımçıq saxlanacaqdırsa, nə üçün ərazidə söküntü işləri aparılıb?
Qeyd olunub ki, ilin bütün fəsillərində rayona turistlərin böyük axını müşahidə edilir. Dədə Qorqud abidəsi isə qonaqların əsas marşrutu üzərində yerləşir. Yaranan xoşagəlməz mənzərə rayon haqqında mənfi fikirlərin formalaşmasına səbəb olur.
[caption id="attachment_68656" align="alignnone" width="640"]
Shimal.News[/caption]
[caption id="attachment_68655" align="alignnone" width="640"]
Shimal.News[/caption]
