Azərbaycan Dövlət Pedaqoji Universitetinin (ADPU) Quba filialının direktoru, fizika elmləri doktoru Yusif Alıyev filialın akt zalında tələbələrlə görüş keçirib.
Shimal.News xəbər verir ki, direktor görüşdə tələbələrlə tədris prosesi, akademik göstəriciləri və gələcək planları barədə fikir mübadiləsi aparıb. Tələbələri maraqlandıran suallar cavablandırılıb, təklif və rəyləri dəyərləndirilib.
Görüş çərçivəsində tələbələrin anonim şikayət və təkliflərinin təqdimi üçün səyyar təklif qutusu gətirilib. Tələbələrin anonim məktublarının daxil edilməsindən sonra qutu açılıb, təklif, şikayət və iradlar oxunub.
Y.Alıyev məktublar vasitəsilə ünvanlanmış və tələbələri maraqlandıran sualları cavablandırıb, təklif və şikayətlərin araşdırılması və lazımi prosedurların icrası üçün struktur rəhbərlərinə müvafiq tapşırıqlar verib.
