Qubada müxtəlif təhsil müəssisələrində təhsil alan tələbə gənclərlə görüş keçirilib. Bu barədə ShimalNews 6 yanvar tarixində sosial şəbəkələrə istinadən məlumat verir.
Görüş ADPU-nun Quba filialında Gənclər Təşkilatları Milli Şurası tərəfindən təşkil edilib. Tədbirdə gənclər üçün yaradılan imkanlar, region gənclərinin gənclər təşkilatlarının fəaliyyətinə aktiv şəkildə cəlb edilməsi kimi məsələlər müzakirə olunub. Bundan əlavə, qonaqlara regionda gənclər təşkilatlarının həyata keçirdiyi layihələr barədə məlumat verilib.
Tədbirdə filialın direktor müavinləri, direktor köməkçisi, Quba Gənclər və İdman İdarəsinin nümayəndələri, “Yurd” Gənclərin İntellektual İnkişafına Dəstək İB-nin sədri Ramin Mahmudov, GİKM Quba nümayəndəliyinin direktoru Aytac Əhmədova, tələbələr və digər qonaqlar iştirak ediblər.
Sonda gəncləri maraqlandıran suallar cavablandırılıb.
