Quba şəhəri, Qələbə küçəsi, 15-ci məhəllədə yerləşən elektrik dirəkləri və xətləri yerli sakinlərin narahatlığına səbəb olub.
Bununla bağlı Shimal.News-a danışan yerli sakinlərin sözlərinə görə, dirəklərin bəziləri yolun ortasında və ya kənarında yerləşir, bu da həm nəqliyyat, həm də piyadalar üçün təhlükə yaradır.
“Bundan əlavə, bir neçə dirək qəzalı vəziyyətdədir və yaşayış evlərinə çox yaxındır.
Bir dirəyin isə dibi boşalıb, yağışlı havalarda evin üstünə aşıb təhlükə yarada bilər”,- deyə sakinlər narahatlıqlarını dilə gətiriblər.
Onlar tez bir zamanda aidiyyəti qurumların hərəkətə keçərək məsələni həll etmələrini istəyirlər.
