Qubada bağçılıq və əkinçilik sahələrin su təminatı üçün hazırlıq görülür. Bu barədə ShimalNews 4 aprel tarixində Dünya TV-yə istinadən məlumat verir.
Suvarmada olan cətinliklərləri aradan qaldırmaq üçün yeni su kanalları çəkilir, hidrotexniki qurğular təmir edilir. Qəçrəş kəndi ərazisini sel və daşqınlardan qorumaq, baş verə biləcək torpaq sürüşmələrinin qarşısını almaq, həmçinin Qırmızı qəsəbə kanalının baş suvarıcı qurğusunu mühafizə etmək üçün 200 m-lik bənd tikilir.
Rayonun Qudyalçaydan su götürən arxlarının, həmçinin Qaraçaydan su götürən Pirvahid kanalının betonla üzlənməsi üçün tədbirlər nəzərdə tutulur. Hazırda bu kanalların betonla üzlənməsi üzrə layihə işləri aparılır.
