Quba rayonunun Dağlı kəndində kanalizasiya və suvarma kanallarının təmizlənməməsi sakinlərin ciddi narahatlığına səbəb olub.
Shimal.News-a daxil olan vətəndaş müraciətinə əsasən, uzun müddətdir baxımsız vəziyyətdə olan kanalların dolması və daşması nəticəsində kəndin bəzi yolları su altında qalır.
Sakinlərin sözlərinə görə, xüsusilə yaz və yay aylarında suyun səviyyəsinin artması ilə bu problem daha da kəskinləşir:
“Təmizlənməyən kanallar suyun normal axınına mane olur, nəticədə sel suları yollara, bəzən isə yaşayış evlərinə qədər yayılır. Bu da həm nəqliyyatın hərəkətini çətinləşdirir, həm də əhalinin gündəlik həyatına mənfi təsir göstərir”.
