“Quba Meydanı” mədəniyyət və istirahət parkında “Sehrli Novruz” adlı bayram tədbiri keçirilib.
Shimal.News xəbər verir ki, tədbir Quba Rayon İcra Hakimiyyəti və Quba-Xaçmaz Regional Təhsil İdarəsinin birgə təşkilatçılığı ilə baş tutub.
Şənlikdə Quba Rayon İcra Hakimiyyəti başçısının birinci müavini Tariyel İbrahimov, Rayon İcra Hakimiyyətinin məsul şəxsləri, Quba-Xaçmaz Regional Təhsil İdarəsinin məsul şəxsləri və İdarənin tabeliyində fəaliyyət göstərən ümumtəhsil, məktəbdənkənar və məktəbəqədər təhsil müəssisələrinin kollektivləri, həmçinin ictimaiyyət nümayəndələri iştirak ediblər.
Tədbir bayram tonqalının alovlandırılması ilə başlamış, sonra ayrı-ayrı təhsil müəssisələri tərəfindən hazırlanmış guşələrə baxış keçirilib. Bayram təbriklərindən sonra, rəqs nümunələri və musiqi nömrələri təqdim olunub.
