Quba şəhərinin 20 Yanvar küçəsində qurumuş ağacın yaratdığı təhlükə yerli sakinləri narahat edir. Uzun müddətdir bioloji inkişafını tamamlamış və tam qurumuş vəziyyətdə olan ağac, xüsusilə küləkli havalarda yaxınlıqdakı evlər üçün risk yaradır.
Sakinlərin Shimal.News-a verdiyi məlumata görə, məsələ ilə bağlı Quba şəhər bələdiyyəsinə və 5 saylı Ərazi Ekologiya və Təbii Sərvətlər İdarəsinə dəfələrlə müraciət olunub. Lakin ağacın götürülməsi və ya ərazidən uzaqlaşdırılması ilə bağlı hələ də heç bir tədbir görülməyib.
Vətəndaşlar təhlükənin aradan qaldırılması üçün operativ addımların atılmasını gözləyirlər.
