Qubalı fermer şəxsi təsərrüfatında gəzən ayının görüntülərini lentə alıb.
Bu barədə Shimal.News-a məlumat verən Fırıq kənd sakinləri bildiriblər ki, son zamanlar pəncəli meşə sakinləri ilə tez-tez rastlaşırlar:
“Axşam saatlarında evdən çıxmağa qorxuruq. İnək, qoyun və keçiləri otlaq sahələrinə aparmaq həm bizə, həm də heyvanlara ciddi təhlükə yaradır”, - deyə fermerlər bildirib.
Quba rayonunda ayının hücum edərək kənd təsərrüfatı heyvanlarına zərər vurması halları mütəmadi baş verir. Bundan öncə Gümürdəhnə kəndində yalnız 2 ay ərzində ayılar 6 iri buynuzlu heyvanı parçalayıb, 10-a yaxın heyvanı isə yaralayıb.
Məlumat üçün bildirək ki, 2013-cü ildən ayıların adı “Qırmızı kitab”a daxil edilib və ölkədə ayı ovuna qadağa qoyulub.
