Qubada orden və medallarla təltif edilmiş şəhidlərin ailə üzvlərinə mükafatlar təqdim edilib. Bu barədə ShimalNews 29 dekabr tarixində RİH-yə istinadən məlumat verir.
Rayon İcra Hakimiyyətində baş tutan tədbirdə Ziyəddin Əliyev, RİH başçısının müavinləri, YAP Quba rayon təşkilatının sədri, rayonun hüquq-mühafizə orqanlarının rəhbərləri, RİHB aparatının məsul şəxsləri, İnzibati Ərazi Dairələri üzrə nümayəndələr, bələdiyyə sədrləri, şəhid ailələri, rayon Ağsaqqallar Şurasının sədri və İctimai Şuranın sədri iştirak ediblər. Burada prezident İlham Əliyev tərəfindən imzalanmış Sərəncama əsasən, şəhidlərin ailə üzvlərinə onların təltifləri təqdim edilib.
Tədbirdən sonra İsnovqışlaq kəndində Birinci Qarabağ müharibəsi əlili Asif Rəhimova və Birinci Nügədi kəndində Birinci Qarabağ müharibəsi şəhidi Pərviz Şirinbəyovun anası, Qalina Şirinbəyovaya Əmək və Əhalinin Sosial Müdafiəsi Nazirliyi tərəfindən inşa olunmuş fərdi evlər təqdim edilib.
[caption id="attachment_34393" align="alignnone" width="640"]
Foto Quba RİH[/caption]
