Qubalı şəhidlər - Miqdad Abduləlimov və Tamerlan Əliyevdən bəhs edən "Müzəffər əsgərimiz" adlı sənədli film təqdim edilib. Bu barədə ShimalNews 30 sentyabr tarixində Gənclər və İdman İdarəsinə istinadən məlumat verir.
Tədbir bu gün Quba rayon Gənclər və İdman İdarəsinin, Azərbaycan Dövlət Pedaqoji Universitetinin Quba filialının, "İrəli" İctimai Birliyinin birgə təşkilatçılığı ilə baş tutub.
İlk öncə şəhidlərimizin xatirəsi 1 dəqiqəlik sükutla yad edilib. Sonra "Müzəffər əsgərimiz" sənədli filmi gənclərə təqdim olunub.
Sonda şəhid Miqdad Abduləlimovun anası Tünzalə Abduləlimova və şəhid Tamerlan Əliyevin anası Zümrüd Əliyeva film haqqında təəssüratlarını tədbir iştirakçıları ilə bölüşüblər və iştirakçılarla xatirə şəkli çəkdiriblər.
