Quba rayonunda keçirilən “Şəhid ailələrinin ikinci maarifləndirici tur aksiyası”na 50 nəfər qatılıb. Bu barədə ShimalNews 1 dekabr tarixində Quba Rayon İcra Hakimiyyətinə istinadən məlumat verir.
Tədbir Vətən Müharibəsi Əlillərinə Kömək İctimai Birliyinin və İcra Hakimiyyətinin təşkilatçılığı ilə həyata keçirilib. Maliyyə dəstəyi Qeyri-Hökumət Təşkilatlarına Dövlət Dəstəyi Agentliyi tərəfindən göstərilib.
Görüşdə icra hakimiyyətinin əməkdaşları, YAP Quba rayon təşkilatının sədri, rayonun hüquq-mühafizə orqanlarının rəhbərləri, şəhid ailələri, ictimai təşkilatların sədrləri və rayon ictimaiyyətinin nümayəndələri iştirak ediblər.
