Ötən il Quba rayonunda 1000 nəfərdən çox insan sahibsiz itlərin hücumuna məruz qalıb.
Shimal.News-un əldə etdiyi məlumata görə, sahibsiz itlərin artımının qarşını almaq üçün onlar qısırlaşdırılır.
İtlər rayon ərazisindən yığılaraq "Sadiq dost" it sığınacağına gətirilir. Burada onların üzərində cərrahi əməliyyatı icra olunur. Qısırlaşdırılan itlər 1 həftə sığınacaqda saxlanıldıqdan sonra yenidən azadlığa buraxılır.
Bu prosesin Quba rayonunda sahibsiz itlər tam bitənə qədər aparılacağı bildirilib.
Xatırladaq ki, ötən ay Quba rayonunun Qəçrəş və Küsnətqazma kəndlərində sakinlər sahibsiz itlərin hücumüna məruz qalıblar.
Məlum olub ki, Küsnətqazma kənd sakini 5 yaşlı Məhəmməd Nurlan oğlu Məhəmmədov, Qəçrəş kənd sakini 65 yaşlı Zöhrə Aslan qızı Mərdiyeva və 66 yaşlı Raida Osmanpaşa qızı Salahova ağır xəsarətlər alıblar.
