Qubanın Səməd Vuğun küçəsində məişət tullantılarının daşınmaması ciddi narazılığa səbəb olub.
Bu barədə Shimal.News-a yerli sakinlər məlumat veriblər. Onların sözlərinə görə, vaxtında daşınmayan tullantılar şəhər qəbirstanlığının girişində xoşagəlməz “mənzərə” yaradıb.
Bəzən günlərlə küçədəki məişət tullantıları daşınmadığı üçün əraziyə sahibsiz itlər yığılır. Buna görə də xüsusən axşam saatlarında küçədə hərəkət etmək riskli olur və hər an küçə itlərinin hücumuna məruz qalma qorxusu sakinləri narahat edir.
