Qubanın 2-ci Nügədi kəndində fəaliyyət göstərən quş kəsimi müəssisəsində planlı yoxlama keçirilib. Bu haqda ShimalNews 14 fevral tarixində Azərbaycan Respublikasının Qida Təhlükəsizliyi Agentliyinə istinadən xəbər verir.
AQTA nəzarət tədbirləri çərçivəsində Fuad Ağayevə məxsus müəssisəni yoxlayıb. Qida təhlükəsizliyi sahəsində texniki normativ hüquqi aktların tələblərinə əməl edilmədiyi müəyyən edilib.
Müəssisədə müvafiq sahələrin qurulmadığı, döşəmə, divar, tavanın tamlığının pozulduğu və dezinfeksiyaedici maddələrin təsirinə davamlı materialla üzlənmədiyi, havalandırma sisteminin quraşdırılmadığı, müvafiq təmizlik işlərinin aparılmadığı, tullantı qablarının ağzı açıq şəkildə saxlandığı, işçi heyətin ilkin və dövri tibbi müayinədən keçmədiyi və digər nöqsanlar aşkarlanıb.
Bununla bağlı inzibati protokol tərtib edilib, müəssisədə istehsalın dayandırılmasına dair məhdudlaşdırıcı qərar qəbul olunub.
[caption id="attachment_36609" align="alignnone" width="640"]
[/caption]
