Quba şəhər sakininin evinə qumbara atan və “Toyota” markalı avtomobillə hadisə yerini tərk edən şəxs saxlanılıb. Bu barədə ShimalNews 13 dekabr tarixində Daxili İşlər Nazirliyinə istinadən məlumat verir.
Rayon Polis Şöbəsinin əməkdaşları hadisə yerinə gəlib və 1 ədəd sursat aşkar ediblər. Məlum olub ki, bu, təlim qumbarasıdır.
Əməliyyat-axtarış tədbirləri həyata keçirilib. Nəticədə bu əməli törətməkdə şübhəli bilinən Abşeron rayon sakini, əvvəllər məhkum olunmuş O.Ağalı Sumqayıt şəhəri ərazisində “Toyota” markalı avtomobillə saxlanılıb.
Quba Rayon Polis Şöbəsində araşdırma aparılır.
