Qubada xüsusi qayğıya ehtiyacı olan uşaqlar üçün Yeni il şənliyi təşkil olunub. Bu barədə ShimalNews 21 dekabr tarixində sosial şəbəkələrə istinadən məlumat verir.
Tədbirdə Rayon İcra Hakimiyyəti başçısının müavini Səidə Abasova, ziyalılar, idmançılar, qazilər, şəhid övladları və 40-dan çox qayğıya ehtiyacı olan uşaq iştirak ediblər. Şənlikdə uşaqlar üçün əyləncəli proqramlar təqdim olunub. Sonda isə Şaxta baba hədiyyələri təqdim edib.
Şənlik “Vətən Naminə” Şəhid ailələrinə dəstək İctimai Birliyinin sədri Tünzalə Abduləlimova və "Viqas" psixoloji və nitq inkişaf mərkəzinin rəhbəri Fidan Bağırovanın təşkilatçılığı ilə həyata keçirilib.
