Quba rayonunda yerin təkindən qanunsuz istifadə faktı aşkar edilib.
Shimal.News-a DİN Mətbuat Xidmətindən verilən məlumata əsasən, qeyri-qanuni qum-çınqıl daşınmasının qarşısının alınması istiqamətində nəzarət tədbirləri aparılıb.
Quba Rayon Polis Şöbəsinin, ETSN-ın 5 saylı Regional Ekologiya və Təbii Sərvətlər İdarəsinin əməkdaşları keçirdikləri tədbirlər zamanı qanun pozuntusuna yol verən şəxslər aşkar edilib. Onlarla profilaktik söhbətlər aparılıb, barələrində İnzibati Xətalar Məcəlləsinin müvafiq maddələri ilə protokol tərtib edilib.
