Quba rayonunun Gədikqışlaq kəndində qoz bağlarında işləyən şəxslər arasında xəsarətlə nəticələnən dava baş verib.
Qaynarinfo.az-ın məlumatına görə, bağda fəhlə işləyən qadınlar özləri ilə icazəsiz qoz aparmaq istəyiblər. Bunu Fazil adlı nəzarətçinin oğlu 26 yaşlı Fərid görüb və mübahisə yaranıb.
Daha sonra Nərgiz adlı qadın Fəridin baş nahiyəsinə bir neçə dəfə zərbə endirib. Dava zamanı xəsarət alan Nərgiz və Fərid bir-birindən polisə şikayət ediblər.
Məhkəmə hər iki şəxsi İnzibati Xətalar Məcəlləsinin 157-ci maddəsinə əsasən, 300 manat cərimə edib.
