Quba şəhərində yerləşən “Şahdağ” hotelinin fəaliyyəti ilə bağlı sakinlər narazılıqlarını bildiriblər.
Bu barədə Shimal.News-a müraciət edən vətəndaşların sözlərinə görə, tullantılar mütəmadi daşınmır.
Məlumata görə, tullantılar otelə məxsus yük maşınına yığılır və bu nəqliyyat vasitəsi dolana qədər günlərlə otelin yaxınlığında saxlanılır. Sakinlər bildirirlər ki, hotel dəfələrlə məlumatlandırılsa da, məsələ ilə bağlı heç bir tədbir görülmür.
Məsələ ilə bağlı “Şahdağ” hoteldən Shimal.News-a bildirlib ki, həmin yük avtomobili artıq bir neçə gündür orada saxlanılmır. Əraziyə təkrar baxış keçiriləcək və hər hansı tullantı həmin ərazidə aşkar olunduqda kənarlaşdırılacaq.
