Quba rayon Tibb Kollecində “Narkomaniyaya yox deyək” və “Erkən nikahın fəsadları” mövzularında maarifləndirmə tədbiri keçirilib.
Shimal.News xəbər verir ki, Quba Rayon Polis Şöbəsinin təşkilatçılığı ilə keçrilən tədbirdə RPŞ-nin əməkdaşları, kollecin pedaqoji heyəti və tələbələri iştirak ediblər.
Tələbələrlə görüşdə çıxış edən RPŞ-nin rəisi, polis polkovniki Mehman Əliyev narkotiklərin qanunsuz dövriyyəsinin cəmiyyətə və insanların sağlamlığına vurduğu zərərlərdən ətraflı bəhs edib, bu istiqamətdə polisin apardığı qətiyyətli mübarizə barədə tədbir iştirakçılarını məlumatlandırıb.
Həmçinin, çıxış edən RPŞ-nin xidmət üzrə rəis müavini, polis polkovniki Vüsal Rüstəmov tələbələrə erkən nikahın fəsadlarından bəhs edərək onlara bu mövzuda ətraflı məlumat verib.
Sonda mövzularla bağlı videoçarxlar nümayiş olunub və təbələri maraqlandıran suallar cavablandırılıb.
