Qubada fəaliyyət göstərən marketlərdən birində alıcıların narazılığına səbəb olan hal qeydə alınıb.
Shimal.News-a müraciət edən sakin bildirib ki, mağazada qiymət lövhələri ilə kassa çeki arasında uyğunsuzluq müşahidə olunur. Onun sözlərinə görə, rəflərdə göstərilən qiymətə əsasən məhsul seçən alıcı sonda kassada fərqli məbləğlə üzləşə bilər.
Eyni zamanda, endirim yazısı olan məhsullar səbətə əlavə edildikdə kassada güzəştin tətbiq olunmadığı aşkarlanır. Satıcılar bunu yalnız müəyyən kart vasitəsilə mümkün olduğunu desələr də, endirim lövhələrində bu barədə məlumat əks olunmur.
Yerli sakinin vətəndaşlara daha diqqətli olmağı və ödəniş zamanı mütləq kassa çekini yoxlamağı tövsiyə etdiyi videonu təqdim edirik:
View this post on Instagram
