Quba rayonunun Amsar kəndində məktəblilərin hər gün istifadə etdiyi körpü yararsız vəziyyətdədir.
Shimal.News məlumat verir ki, sakinlərin sözlərinə görə, bu körpü həm uşaqlar, həm də digər yerli sakinlər üçün əsas keçid yoludur. Lakin uzun müddətdir təmir olunmayan körpü indi təhlükə mənbəyinə çevrilib.
Sakinlər dəfələrlə aidiyyəti qurumlara müraciət etsələr də, hələ ki, heç bir tədbir görülməyib. Xüsusilə məktəbə gedən şagirdlər hər gün bu körpüdən istifadə etmək məcburiyyətində qalırlar ki, bu da onların həyatını təhlükəyə atır.
Yerli icra nümayəndələrindən və aidiyyəti qurumlardan körpünün tezliklə təmir olunması üçün addım atılması tələb olunur.
