Qubanın bir küçəsində yaranan təhlükə insanların həyatını ciddi şəkildə təhdid edir. Hətta bu küçədən keçəndə ayaq altına baxmaqdansa, daim altından keçəcəyin “arka”ya diqqət yetirmək həyat üçün daha vacibdir.
Bununla bağlı Shimal.News-a sakinlər məlumat veriblər. Bildirilir ki, “Üç Gözəl” şadlıq sarayının arxasındakı “arka” qəzalı vəziyyətdədir.
Gediş-gəliş çox olan H.Əliyev prospektində yerləşən tikilinin daşları hər an qopub insanlara və digər canlılara xəsarət yetirə bilər. Mövcud vəziyyətin artıq bir neçə aydır ki, davam etdiyi bildirilir. Lakin məsul qurumlar tərəfindən məsələyə biganə münasibət göstərilir.
