Quba rayon sakinləri Qaraçay, Vəlvələçay və Qudyalçayın taleyindən narahatdırlar.
Shimal.News xəbər verir ki, sakinlər çay yataqlarında yaranan ürəkağrıdan vəziyyətlə bağlı tez-tez paylaşımlar edirlər.
Yerli əhali adıçəkilən çay yataqlarının daş karxanaları tərəfindən qazılaraq 5 mərtəbəli bina qədər dərinə salındığını bildirirlər:
"Karxanalar fəaliyyətə başlayana qədər bu ərazilərdə çayın şırıltısı eşidilirdi. İndi isə, traktorların səsi gəlir. Traktorlar çay yataqlarında kanyonlar yaradıblar. Daşınan xammal elə çayın sahilindəcə emal olunaraq çınqıl və digər tikinti materialları hazırlanır."
