Qubada meşə massivləri naməlum şəxslər tərəfindən məhv edilir. Bu barədə ShimalNews 2 mart tarixində “7 Times”a istinadən məlumat verir.
Sakinlər bildirirlər ki, etdikləri çoxsaylı şikayətlər və müraciətlərə baxmayaraq, bu acınacaqlı durum hələ də davam edir. Qırılan ağaclar emal müəssisələrinə satılır. Onlar əminliklə iddia edirlər ki, yerli meşə mühafizəsi bu barədə xəbərdardır.
Quba meşə massivinin 1-ci və 2-ci dolaylarının ərazisində görüntülər lentə alınıb. Burada diametri 100 mm-dən çox olan qiymətli ağac növləri kəsilib. Məlumata görə, massivin digər ərazilərində də kəsilən ağacların oduncaq kütləsi hələ də meşədə qalmaqdadır. Yağış yağdığı üçün avtomobillər onları apara bilməyib. Bu səbəbdən məhv edilən ağaclar hələ də ərazidə qalıb.
