Qubada əvvəlcədən xəbərdarlıq edilmədən internat məktəblərdə yoxlamalar olub. Bu barədə ShimalNews 25 fevral tarixində Azərbaycan Respublikasının İnsan Hüquqları üzrə Müvəkkilinə (Ombudsman) istinadən xəbər verir.
Ombudsmanın Milli Preventiv Qrupunun üzvləri tərəfindən Xınalıq kənd tam orta internat məktəbində, Quba Xüsusi peşə məktəbində və Quba şəhər Valideyn himayəsindən məhrum olmuş uşaqlar üçün tam orta internat məktəbində monitorinqlər aparılıb.
Başçəkmənin məqsədi müəssisələrdə saxlanma şəraitinin və uşaqlarla rəftarın, asudə vaxtın təşkili, habelə müvafiq şəkildə sənədləşmənin aparılması vəziyyətinin öyrənilməsi olub.
Bununla bağlı sinif otaqlarına, yataqxanalara, mətbəx, tibb və digər inzibati otaqlara baxış keçirilib, habelə asudə vaxtın təşkili, sənədləşmə, qidalanma, içməli su təminatı ilə bağlı vəziyyət araşdırılıb.
Eləcə də rəftar məsələlərinin araşdırılması üçün müəssisələrin rəhbərliyi və əməkdaşları, o cümlədən şagirdlərlə fərdi və qrup şəklində söhbətlər aparılıb.
[caption id="attachment_37263" align="alignnone" width="640"]
Foto Azərbaycan Respublikasının İnsan Hüquqları üzrə Müvəkkili - Ombudsman[/caption]
