Quba şəhərində 1 beton dirəyini 3 ildən artıqdır ki, təmir edə bilmirlər.
Bu barədə sakinlər Shimal.News-a məlumat veriblər.
“Beton dirəkdir, Allah göstərməsin, kiminsə üstünə aşsa, sözsüz ki, ölüm hadisəsi qaçırılmazdır. Xahiş edirəm, bunu ictimayələşdirin”, - deyə sakinlər bildiriblər.
Bu hal Lütfi Zadə küçəsində müşahidə olunur. Əvvəl burada icra hakimiyyəti yerləşib, hazırda Daşınmaz Əmlakın Dövlət Reyestri Xidməti və təhsil ocağı da var. Lakin insan həyatı üçün təhlükə olan beton dirəyin məsul qurumlar tərəfindən himayə olunduğu təsəvvürü yaranır.
2022-ci ildə Shimal.News məsələni ilk dəfə gündəmə gətirsə də, aradan keçən 3 il ərzində müvafiq qurumlar passivlik göstərib və məsələyə göz yumub.
