Qubada bir qədər yağış yağan kimi küçələr sözün əsl mənasında “çirkab dənizinə” çevrilir.
Shimal.News xəbər verir ki, rayonun müxtəlif ərazilərində kanalizasiya xətləri daşaraq fontan vurur, nəticədə tullantı suları həm küçələri, həm də evlərin zirzəmilərini basır.
Sakinlərin sözlərinə görə, bu mənzərə artıq illərdir dəyişmir və problemin aradan qaldırılması üçün heç bir ciddi tədbir görülmür.
“Bir az yağış yağır, həyətimizə qədər çirkab dolur. Dəfələrlə müraciət etmişik, amma nə gələn var, nə də maraqlanan. Sanki bu vəziyyət artıq norma kimi qəbul edilib”, - deyə sakinlərdən biri bildirib.
