Səhiyyə Nazirliyi tərəfindən Qubada maarifləndirici tədbir keçirilib.
Shimal.News xəbər verir ki, aksiya “Asan Xidmət” binasının qarşısında təşkil olunub. Onun əsas məqsədi əhali arasında ilk yardım bacarıqlarının aşılanması, eyni zamanda bu sahədə maarifləndirmə işlərinin aparılmasıdır. Budəfəki tədbirdə asfiksiya və klinik ölüm, bədbəxt hadisələr və digər fövqəladə hallar zamanı zərərçəkən və xəsarət alan insanlara ilkin tibbi yardımın göstərilməsi bacarıqları nümayiş olunub.
Quba Tibb Kollecinin tələbələri mulyaj və insanlar üzərində ürəyin qapalı masajı və süni tənəffüs qaydalarını nümayiş etdiriblər. Tədbir çərçivəsində arzu edənlərin qan təzyiqi və qanda şəkərin miqdarı ölçülüb.
Daha sonra “İlk tibbi yardım - ikinci həyata addım” adlı fleşmob təşkil olunub.
