Quba Heydər Əliyev Mərkəzində “Narkomaniya ağ ölüm” adlı tədbir keçirilib. Bu barədə ShimalNews 20 dekabr tarixində mərkəzə istinadən məlumat verir.
Mərkəzin direktor əvəzi Sevinc Səlimova çıxışında bildirib ki, artıq bir neçə müddətdir bütün müəssisələrdə adıçəkilən mövzuda mütəmadi olaraq silsilə tədbirlər təşkil olunur.
Tədbir iştirakçıları, həmçinin qeyd ediblər ki, Gənclərin maarifləndirilməsinə baxmayaraq, problem nəinki həll olur, əksinə, gün keçdikcə yaş həddi aşağı düşür.
Daha sonra Quba rayon İH-nin əməkdaşı Elşad Əliyev, Quba rayon PŞ-nin əməkdaşı Orxan Şahmarov, Quba rayon Mərkəzi xəstəxanasının həkimi Cavanşir Abbasov gənclərin suallarını cavablandırıblar.
Tədbirin sonunda “Narkomanların faciəvi sonu” adlı maarifləndirici film nümayiş olunub.
