Quba şəhərində “Yeni trendlər və gənclər” adlı düşərgə keçiriləcək. Bu haqda ShimalNews 2 avqust tarixində məlumat verir.
Düşərgə İstirahət, İdman, Təlim və Tədris Kompleksində Gənclər və İdman Nazirliyinin dəstəyi, “Vətəndaş Cəmiyyətində Debat” (DVC) İctimai Birliyinin təşkilatçılığı ilə avqustun 8-dən 11-dək təşkil olunacaq.
İştirak etmək istəyən gənclər avqustun 5-i saat 15:00-dək müraciət etməlidirlər.
Ümumi şərtlər:
- Yaş aralığı: 16-29;
- Sosial şəbəkələrdə fəal olmaq;
- İctimai-sosial fəaliyyəti ilə fərqlənən gənclər;
- Öyrənməyə və paylaşmağa maraqlı olmaq.
Qeyd: Düşərgəyə il ərzində keçirilən digər "Gənclər düşərgələri"nin hər hansı birində iştirak edən şəxs qoşula bilməyəcək. Hər gənc bir iştirak haqqına sahibdir.
