Azərbaycanda Gəncləri Günü münasibətilə gənclər düşərgələrinə start verilir.
Shimal.News xəbər verir ki, gənclər həftəsi çərçivəsində Quba, Neftçala, Qazax, Şəki, Mingəçevir və Goranboy Olimpiya İdman Komplekslərində təşkil olunan düşərgələr respublikanın hər yerindən gəncləri, könüllüləri, tələbələri və gənclər təşkilatlarının üzvlərini bir araya gətirəcək.
Bu düşərgələrdə komanda quruculuğu, liderlik, fərdi inkişaf təlimləri, intellektual yarışlar, hüquqi maarifləndirmə sessiyaları, musiqili gecələr və peşəkarlarla görüşlər keçiriləcək. Gənclər təşkilatları da düşərgələrin təşkilində tərəfdaş rolunda iştirak edəcəklər.
