Qubanın Əski İqrığ kəndində bədbəxt hadisə qeydə alınıb.
Shimal.News-un əldə etdiyi məlumatına görə, fəhlə işləyən Qobustan rayon sakinləri 25 yaşlı Əsəd Elman oğlu Hüseynquliyevi və 24 yaşlı Şəmistan Əşrəf oğlu Yusibovu elektrik cərəyanı vurub.
Nəticədə Ə.Hüseynquliyev hadisə yerində ölüb. Onun nişanlı olduğu bildirilir. Xəstəxanaya yerləşdirilən Ş.Yusibovun isə vəziyyəti orta-ağır qiymətləndirilir.
Məlumata görə, hadisə Bakı şəhər sakini 40 yaşlı Fuad Əliyevə məxsus evdə təmir işləri aparılarkən baş verib. Paytaxt sakini 60 yaşlı Xanlar Məhəmmədəli oğlu Paşayevin idarə etdiyi “Mercedes” markalı beton daşıyan avtomobilin borusu elektrik xəttinə dəyib. Nəticədə orada işləyən həmin fəhlələri elektrik cərəyanı vurub.
Araşdırma aparılır.
