Qubada “Azərbaycanda erməni vandalizminin izləri: Beynəlxalq hüquq və dini aspektdə” mövzusunda konfrans keçirilib. Bu barədə ShimalNews 9 dekabr tarixində Mədəni İrsin Qorunması, İnkişafı və Bərpası üzrə Dövlət Xidmətinə istinadən məlumat verir.
Tədbir Quba Soyqırımı Memorial Kompleksində baş tutub. Burada Dini Qurumlarla İş üzrə Dövlət Komitəsinin Quba bölgəsi üzrə şöbə müdiri Ramin Xudayev, İnsan Hüquqları üzrə Müvəkkilin Şimal Regional Mərkəzinin rəhbəri Bəhruz Əfəndiyev, Soyqırım Memorial Kompleksinin direktoru Rəxşəndə Bayramova və digər iştirakçılar çıxış ediblər.
Bildirilib ki, güclü havadarlarına arxalanan ermənilər zaman-zaman xalqımıza qarşı soyqırım və qırğınlar törədiblər. 1905-ci və 1918-ci illər, 1992-ci il fevralın 25-dən 26-na keçən gecə Xocalı soyqırımı tarixin yaddaşına həkk olunmuş qanlı salnamələrdir.
Bu hadisələr bütün türk dünyası, həmçinin bəşəriyyət üçün bir ibrət dərsi, erməni vəhşiliyini göstərən danılmaz tarixi faktlardır.
