Quba rayonunda pedaqoji ixtisaslarda təhsil alan tələbələr üçün düşərgə keçiriləcək. Bu barədə ShimalNews 1 mart tarixində məlumat verir.
5 günlük “EduCamp 2023”ə ali təhsil müəssisələrinin pedaqoji profilli və əlaqəli ixtisaslarında bakalavriat səviyyəsi üzrə təhsil alan III və IV kurs tələbələri, magistratura və doktorantura səviyyəsində təhsil alan tələbələr qatıla bilərlər. Qeyd edilən ixtisaslar üzrə son 3 il ərzində məzun olmuş şəxslər də düşərgəyə dəvətlidirlər.
Düşərgədə iştirak üçün 5 mart tarixindən qeydiyyatdan keçmək lazımdır.
"EduCamp 2023”ün keçirilməsində əsas məqsəd peşəkar, çevik və yenilikçi müəllimlərin cəlb edilməsi ilə pedaqoji profilli ixtisaslarda təhsil alan tələbələrin peşəkar təhsil işçisi kimi formalaşmasına dəstək olmaqdır.
