Quba şəhərinin el arasında “Bazar küçəsi” adlandırılan Firudin Rəcəbov küçəsində antisanitar vəziyyət aradan qaldırılıb.
Sakinlərin sözlərinə görə, küçənin girişində zibil qutuları olmadığı üçün məişət tullantıları yerə atılırdı. Bundan əlavə, tullantılar vaxtında daşınmadığı üçün ərazi sahibsiz itlərin məskəninə çevrilib və insanlar küçə heyvanlarının hücumuna məruz qalırdılar. Vətəndaşlar dəfələrlə kommunal təsərrüfat birliyinə əraziyə zibil qutularının qoyulması ilə bağlı müraciət etmişidilər.
Ötən ildən sakinlərin Shimal.News-a müraciəti sayəsində məsələ redaksiyamız tərəfindən nəzarətə götürülüb.
“Sizin sayənizdə daha bir nəticə. Köhnə də olsa, əraziyə zibil yeşikləri qoyulub”, - deyə sakin bildirib.
Bu və digər mövzularda oxucularımızın Shimal.News-a müraciətləri diqqət mərkəzində saxlanılır.
