Baş vermiş heyvan təlafatı ilə bağlı Vəlvələ kənd Bələdiyyəsinin sədri Tahirmirzə Məmmədov Shimal.News-a açıqlamasında faktı təsdiqləyib.
"Kəndin qoyun sürüsü növbəli şəkildə yerli sakinlər tərəfindən otlaq sahələrində otarılır. Kənd ərazisində bu günə qədər belə hadisə qeydə alınmayıb. Heyvanların kütləfi tələf olması bizi də narahat edir. Heyvanları tələf olan şəxslərlə birlikdə otlaq sahələrinə baxış keçirdik. Məlum etdik ki, kəndin kənarına, otlaq ərazilərinin yaxınlığına naməlum şəxslər tərəfindən buğda qalıqları atılıb. İlkin ehtimala görə, heyvanlar bu çürümüş buğda qalığını yedikləri üçün zəhərləniblər".
Saat 14:44
Quba rayonunun Vəlvələ kəndində vətəndaşlara məxsus təsərrüfatlarda yaxın günlərdə çox sayda xırdabuynuzlu heyvan tələf olub.
Shimal.News xəbər verir ki, təsərrüfat sahibləri heyvanların hansı səbəbdən tələf olduqlarını bilmirlər.
Məsələ ilə bağlı Quba rayon Baytarlıq İdarəsinə müraciət etdiklərini, lakin əraziyə baxış keçirilmədiyi bildirilib.
Redaksiyamızın əməkdaşı Quba rayon Baytarlıq İdarəsi ilə əlaqə yaratmağa cəhd edib. Lakin müvafiq şəxslərlə əlaqə yaratmaq mümkün olmayıb.
