Qaraçayda çınqıl-qum qarışığının qanunsuz hasilatının aparıldığı müəyyən edilib.
Shimal.News Dövlət Ekoloji Təhlükəsizlik Xidmətinə istinadən bildirir ki, faktla bağlı yoxlamalar keçirilib.
Nəticədə çayın Quba rayonu inzibati ərazisindən keçən hissəsində “Az İnşaat” MMC və "Bermud" firmasına məxsus karxanalar vasitəsilə ümumilikdə 16.027 kub adıçəkilən materialın daşınması qeydə alınıb.
Faktlarla bağlı “Az İnşaat” MMC-nin məsul şəxsi Çingiz Nəcəfov, "Bermud" firmasının məsul şəxsi Zamiq Şirinov, karxanaların iş icraçıları İlkin Ədilov, Vilayət Həsənov və Zəfər Vahabov barəsində protokol tərtib olunub və onlar inzibati qaydada məsuliyyətə cəlb ediliblər.
