Qubada bıçaqlanan şəxsin vəziyyəti ilə bağlı TƏBİB-in açıqlaması:
“05.09.2025-ci il tarixində saat 18:15 radələrində Quba rayonu ərazisində baş verən bıçaqlanma hadisəsi nəticəsində 1 nəfər (kişi cinsli) Quba Rayon Mərkəzi Xəstəxanasının Təcili Tibbi Yardım şöbəsinə hospitalizasiya olunub.
1991-ci il təvəllüdlü şəxsə qarın boşluğunun sol tərəfində daxilə keçən kəsilmiş-deşilmiş yara və böyrək piyliyinin eventrasiyası diaqnozu təyin olunub. Pasiyentin üzərində dərhal cərrahi əməliyyat icra olunub.
Hazırda müalicəsi Reanimasiya şöbəsində davam etdirilir. Vəziyyəti orta ağır olaraq qiymətləndirilir”.
Bundan öncə Shimal.News xəbər verib ki, 1993-cü il təvəllüdlü Ceyhun Kərimov 1991-ci il təvəllüdlü Murad Nəcəfova aralarında yaranmış mübahisə zamanı kəsici alətlə xəsarət yetirib.
Polis əməkdaşları tərəfindən əməli törətməkdə şübhəli bilinən şəxs saxlanılıb.
Faktla bağlı araşdırma aparılır.
