İyunun sonları və ya iyulun əvvəllərində Bakıda Azərbaycan və Gürcüstan gənclərinin forumunun keçirilməsi planlaşdırılıb. Bundan başqa, hər iki ölkənin gəncləri üçün Bakıda, Gəncədə, Sumqayıtda və Qubada yay düşərgəsinin keçirilməsi də nəzərdə tutulub.
AZƏRTAC-ın məlumatına görə, bu sözləri Milli Məclisin Gürcüstan parlamenti ilə əlaqələr üzrə işçi qrupun rəhbəri, parlamentin Müdafiə, təhlükəsizlik və korrupsiyaya ilə mübarizə komitəsinin sədri Arzu Nağıyev söyləyib.
O qeyd edib ki, gələcəkdə Gürcüstanın bəzi şəhərlərində, Qara dəniz sahillərində bu görüşlərin ikinci mərhələ olaraq davam etdirilməsi nəzərdə tutulur:
“Düşünürəm ki, Azərbaycan və Gürcüstan parlamentlərarası əlaqələr üzrə işçi qrupunun gündəmə gətirdiyi bu məsələ parlament sədrlərinin razılığı və dövlət başçılarının dəstəyi sayəsində nəzərdə tutulan planların həyata keçirilməsinə imkan verəcək”.
