Qubanın Pirvahid kəndində ağır yol-nəqliyyat hadisəsi baş verib. Qəza nəticəsində bir nəfər ölüb, bir neçə nəfər xəsarət alıb.
Shimal.News-un əldə etdiyi məlumata görə, “VAZ-2109” və “KİA” markalı avtomobillər toqquşub.
Nəticədə “VAZ” avtomobilində olan ata, ana və onların 21 yaşlı oğlu müxtəlif dərəcəli bədən xəsarətləri alıblar. Ailənin 15 yaşlı qız övladı isə dünyasını dəyişib.
“KİA” markalı avtomobilin sürücüsü də müxtəlif xəsarətlər alıb. Maşında olan sərnişin isə sağ qalıb və heç bir xəsarət almayıb.
Yaralılar Quba Rayon Mərkəzi Xəstəxanasının reanimasiya şöbəsinə yerləşdiriliblər.
Faktla bağlı araşdırma aparılır.
