Noyabrın 27-də Dövlət Məşğulluq Agentliyinin Quba-Xaçmaz regional məşğulluq filialı tərəfindən əmək yarmarkası təşkil olunacaq.
Shimal.News xəbər verir ki, Quba Olimpiya İdman Kompleksində keçiriləcək tədbirdə 9 müəssisə tərəfindən işsiz və işaxtaran şəxslərə 40 boş iş yeri təqdim ediləcək.
Vakansiyalar daha çox regionun əmək bazarının tələbatına uyğun sahələri əhatə edir. İşəgötürənlər tərəfindən iştirakçılara ətraflı məlumat təqdim ediləcək.
Tədbirin təşkil edilməsində məqsəd işəgötürənlərlə işsiz və işaxtaranların birbaşa görüşünü təşkil etməklə, vətəndaşların məşğulluğunun və əmək bazarına çıxışının təmin olunmasıdır.
