Vətən müharibəsinin ildönümü ərəfəsində Dövlət Sosial Müdafiə Fondunun (DSMF) sədr müavini Səfər Mehdiyev Qubada yaşayan şəhid ailəsini ziyarət edib.
ShimalNews adıçəkilən quruma istinadən xəbər verir ki, Şuşa şəhərinin işğaldan azad olunması uğrunda gedən döyüşlər zamanı şəhid olmuş Taleh Babayevin doğmalarının sosial vəziyyətləri öyrənilib.
Taleh dekabrın 2-si İspik kəndində anadan olub, Yenigüləzi qəsəbə sakini idi. 44 günlük Vətən müharibəsində Şuşa istiqamətində döyüş tapşırığını yerinə yetirən zaman şəhid olub. Ölümündən sonra “Vətən uğrunda”, “Cəsur döyüşçü” və “Füzulinin azad olunmasına görə” medalları ilə təltif edilib.
Ailəli idi, 4 övladı var.
