Qubada Ümumxalq Hüzn Günü ilə əlaqədar qəhrəmanlarımızın məzarları ziyarət olunub.
Shimal.News xəbər verir ki, 20 Yanvar faciəsinin 35-ci ildönümü ilə bağlı Şəhidlər xiyabanında anım mərasimi keçirilib. Buraya səhər saatlarından başlayaraq insan axını başlayıb.
Şəhid anaları, qəhrəmanlarımızın ailə üzvləri, qazilər, dövlət qurumlarının nümayəndələri tədbirdə iştirak ediblər.
Şəhidlərin məzarlarına tər qərənfillər düzülüb, onların müqəddəs xatirəsi dərin hüznlə yad edilib. Sonda 1 dəqiqəlik sükut elan olunub.
