Dövlət Məşğulluq Agentliyinin Quba-Xaçmaz Regional Məşğulluq filialı tərəfindən əmək yarmarkası təşkil olunub.
Shimal.News məlumat verir ki, yarmarkada işəgötürənlər tərəfindən işsiz və işaxtaran şəxslərə regionun əmək bazarının tələbatına uyğun olaraq məktəbəqədər təhsil müəssisəsində 20 boş iş yeri (əməkhaqqı 400 manat) təqdim olunub.
Təklif edilən iş yerləri Azərbaycan dili, Rus dili müəllimləri, dayə və xadimə peşələri üzrə olub.
İşsiz və işaxtaran şəxs kimi qeydiyyatda olan 100-dən çox vətəndaşla iş aparılıb. Əmək yarmarkası zamanı 67 vətəndaşın müraciəti qeydə alınıb. İşəgötürən tərəfindən vakansiyalara müraciət edən şəxslərin CV-ləri qəbul edilərək nəzərdən keçirilib, uyğun namizədlər növbəti mərhələyə dəvət olunublar.
