Qubadakı biotexnologiyalar laboratoriyalarında çiyələyin iqlimə çətin uyğunlaşan tingləri xüsusi şəraitdə yetişdirilir. Bu haqda ShimalNews 18 iyul tarixində məlumat verir.
Yeni texnologiyaya əsasən, çiyələk tirə üsulu ilə əkilir, damla üsulu ilə suvarılır. Tirələr təxminən 10-15 sm hündürlükdə olur. Bu üsul həm də torpaqda rütubəti artırır. Qışda bitkinin kökünün donmasının qarşısını alır.
“Hal-hazırda laboratoriyamızda giləmeyvə bitkilərini invitrium üsulu ilə çoxaltma texnologiyası ilə tədqiqat işləri aparılır. Burada məqsəd A, B kateqoriyalarına aid super super elit və super elit əkin materialının əldə olunmasıdır. Bu əkin materialı daha sonra tingçilik təsərrüfatlarına veriləcək. Bu tingçilik təsərrüfatları fermerlər üçün elit və C kateqoriya əkin materialı istehsal edəcək”, - deyə mütəxəssis Sevil Süleymanova bildirib.
Çiyələyin ölkəmizdə, eləcə də Qubada 20-dək növü yetişdirilir. Həmçinin məhsuldarlığı ilə seçilən 5 adda İngiltərə mənşəli yeni sortlar da intraduksiya edilib.
