Taxtakörpüdə 23 yaşlı oğlanın meyiti tapılıb.
Shimal.News xəbər verir ki, Fövqəladə Hallar Nazirliyinə (FHN) Taxtakörpü Su Anbarında suyun üzərində bir nəfərin meyitinin müşahidə edildiyi barədə məlumat daxil olub.
Əraziyə Kiçikhəcmli Gəmilərə Nəzarət və Sularda Xilasetmə Dövlət Xidmətinin "Şimal" dalğıc-axtarış qrupu cəlb edilib.
Həyata keçirilən tədbirlər nəticəsində Samur-Abşeron kanalında batması ehtimal olunan 2002-ci il təvəllüdlü Samir Çərkəz oğlu Rüstəmovun meyiti sudan çıxarılaraq aidiyyəti üzrə təhvil verilib.
Hadisə iyunun 1-i qeydə alınıb. Üçgün kənd sakini, 23 yaşlı Samir Rüstəmov iş yoldaşları ilə birgə yeyib-içdikdən sonra su kanalının yaxınlığına gəlib. Elə həmin vaxt da faciə baş verib.
Samirin yaxınlarının bildirdiyinə görə, hadisə baş verən vaxt onlar üç nəfər olublar və gənc kanala düşüb. Hadisə iş yoldaşlarının gözü qarşısında baş versə də, onu xilas etmək mümkün olmayıb.
