Qubanın Xırt kəndində 1 şagird və bir 1 müəllimdən ibarət olan məktəb var. Bu haqda ShimalNews 26 yanvar tarixində “ATV News”a istinadən məlumat verir.
Təhsil ocağına həmin 2 şəxsdən başqa kimsə gəlmir. Burada oxuyan Nəzrin Süleymanova 3-cü sinif şagirdidir. Təklikdən darıxan və özünə sinif yoldaşı arzulayan balaca qızcığaz dərslərini yaxşı oxuyur, gələcəkdə müəllim olmaq istəyir.
Xırt kəndi rayon mərkəzindən təxminən 50 km məsafədə yerləşir.
“Əvvəllər bu kənddə 300-dən yuxarı yaşayış olub, indi 15 yaşayış var hal-hazırda. Müəllim də uzaq kənddən gəlir. Sağ olsun ki, gəlib dərs keçir”, - deyə məktəblinin atası Asif Suleymanov bildirib.
